ភូមិកាព្យ ៤: ល្បែងចាប់កូនខ្លែង ឬខ្លែងឆាបកូនមាន់

Thursday, April 4, 2013

ល្បែងចាប់កូនខ្លែង ជាល្បែងមួយរបស់កុមារាកុមារីជំទង់ៗ តែងលេងក្នុងវេលាយប់ខែ

ភ្លឺ នៅរដូវចូលឆ្នាំ ឬនៅពេលទំនេរ។ ល្បែងនេះ ពេលលេងគេចាត់ម្នាក់ដែលមានមាឌ

ធំ ឱ្យធ្វើជាមេហ្វូងហៅថាមេមាន់ចាត់ច្រើននាក់អ្នកឱ្យធ្វើជាកូនមាន់ ហើយគេចាត់ម្នាក់

ទៀតឱ្យធ្វើជាខ្លែង ចាំចាប់កូនមាន់។ ម្នាក់គេយកក្រមាក្រវាត់ចង្កេះរឹតឱ្យតឹងណែនការ

ពារកុំឱ្យរបូតសំលៀកបំពាក់។ គេនាំគ្នាបង្កាត់ភ្លើងឱ្យបានជាភ្នក់១តូច ដោយកំទេចអុស

ហើយម្នាក់ដែលធ្វើមេមាន់បញ្ជាឱ្យកូនរបស់ខ្លួនតោងចង្កេះតៗគ្នា រហូតដល់អស់ដោយ

ឈរជាជួររួចដើរក្រឡឹងព័ទ្ធជុំភ្នក់ភ្លើង។ជាមួយគ្នានេះមេមាន់ ពោលពាក្យចំអកឡក

ឡឺយទៅខ្លែងថា៖

ចាប់កូនខ្លែងប្រលែងកូនអក ពពេចញ៉ែកញ៉ក កូនអញតែមួយ។

ជីកអន្លុងដាំត្រកួន ទន្សាយរត់ពួន ត្រកួនឡើងលាស់។
ទៀន១គូតាំងយូបាំងព្រះ លើកដៃសំពះ ដូនៗសុំភ្លើង។

ចំណែកម្នាក់ដែលធ្វើខ្លែងឈរធ្វើព្រងើយ កាលបានឮមាន់និងកូនមាន់ស្រែកដូច្នេះក៏ដើរ

ចូលទៅរកភ្នក់ភ្លើង ហើយនិយាយសុំភ្លើងថា «ដូនៗសុំភ្លើង!»។មាន់ឆ្លើយថា «រលត់»។

ខ្លែងសុំថា : «សុំមួយអង្កត់»។ខ្លែងកាលបានឮមេមាន់ថា ឱ្យកូនណាកំបាក់បែកដូច្នេះ ក៏

តាំងដេញចាប់បេះយកកូនណាដែលនៅក្រោយគេឯមេមាន់ខំការពារកូន របស់ខ្លួនកុំឱ្យ

គេបេះយកបាន ឯកូនមាន់ក៏ខំប្រឹងតោងចង្កេះគ្នាយ៉ាងជាប់ រត់ពេនចុះពេនឡើង ខ្លាចខ្លែង

ចាប់បេះយកខ្លួនម្នាក់ៗបាន។ ជួនខ្លែងបេះយកកូនបានម្ខង១ ២ ទាល់តែអស់ ជួនក៏បេះ

បានតែ១។តែគេមានលក្ខខ័ណ្ឌមួយថាបើកូនណារបូតចេញពីមេ ព្រោះប្រឹងគេចខ្លាំងហើយ

កូននោះគេក្រាបទៅនិងដីនោះមេខ្លែង មិនត្រូវចាប់គេទេ។កាលអស់កំលាំងហត់រៀងខ្លួន

ហើយក៏ឈប់សម្រាកបន្ដិច ហើយផ្លាស់ប្ដូរគ្នាលេងតទៅទៀតគេលេងតែងរបៀបនេះរហូត

ដល់ពេលឈប់។ ប៉ុន្ដែល្បែងដូចគ្នានេះ នៅស្រុកខ្លះ គេហៅតម្រូវន័យតាមរបៀបលេងថា

«ល្បែងខ្លែងចាប់កូនមាន់»ក៏មាន។ ល្បែងនេះជាការបង្ហាត់មនុស្សឱ្យចេះប្រុងស្នៀតប្រុងស្មា

រតីឱ្យរ ហ័យរហួន ចេះការពារខ្លួននិងគ្រួសារផង។

ភូមិកាព្យ ៤

(ឯកសារយោងៈ ក្រុមជំនុំតំនៀមទម្លាប់ខ្មែរ)

ភូមិកាព្យ ៤