បទ សរភញ្ញ

សម្តេចព្រះមហាសុមេធាធិបតី ជួន-ណាត (ជោតញ្ញាណោ)

​ព្រះសង្ឃរាជថ្នាក់ទី១ គណៈមហានិកាយ

បណ្ឌិតអក្សរសាស្រ្តអភិធជមហារដ្ឋគរុ

១ - សូមថ្វាយបង្គំ ព្រះសម្ពុទ្ធ

ប្រសើរបំផុត ក្នុងលោកា

ជាគ្រូនៃមនុស្ស និងទេព្តា

ទ្រង់ត្រាស់ទេសនាប្រដៅសត្វ។

ចង្អុលឱ្យដើរ ផ្លូវកណ្តាល

មាគ៌ាត្រកាល អាចកម្ចាត់

ទុក្ខភ័យចង្រៃ ឱ្យខ្ចាយបាត់

អាចកាត់សង្សា-រៈទុក្ខបាន ។

២ - សាសនាព្រះអង្គនៅសព្វថ្ងៃ

សត្វមាននិស្ស័យពីបូរាណ

ប្រឹងរៀនប្រឹងស្តាប់ចេះចាំបាន

កាន់តាមលំអានបានក្តីសុខ ។

ឥតមានសុខណាស្មើក្តីស្ងប់

បញ្ចប់ត្រឹមសុខឃ្លាតចាកទុក្ខ

តាំងពីលោកនេះតទៅមុខ

ក្តីសុខនឹងមានព្រោះធម៌សប្ង់ ។

៣ - ខ្ញុំសូមបង្គំឆ្ពោះព្រះធម៌

ព្រះសង្ឃបវរទាំងគ្រប់សព្វ

រួមជាត្រៃរត្ន័គួរគោរព

ជាម្លប់ត្រជាក់នៃលោកា ។

ព្រះរូបព្រះធាតុនៃព្រះពុទ្ធ

វិសុទ្ធតាងអង្គព្រះសាស្តា

សូមគុណត្រៃរត្ន័ជួយខេមរា

ឱ្យបានសុខាតរៀងទៅ។